Зяленскі адрэагаваў на скандальнае рашэнне Трампа адносна дызельнага паліва

• 10.10.2026, 9:14

Падарункі Пуціну не спрацуюць на мір.

Рашэнне Злучаных Штатаў па расійскім дызельным паліве абярнецца працягам тэрару і падласці.

Пра гэта паведамляе РБК-Украіна са спасылкай на заяву прэзідэнта Украіны Уладзіміра Зяленскага.

«Падарункі Пуціну не спрацуюць на мір і ні на якую карысць для цывілізаванага свету. Расія «аддзячыць» за дызель далейшым тэрорам і падласцямі», — адзначыў кіраўнік Украіны.

Прэзідэнт падкрэсліў, што дазвол краіне-агрэсару прадаваць нафтапрадукты з'яўляецца інвестыцыяй у вайну, якую трэба скончыць, а не працягваць. Зяленскі заявіў, што неабходная рэальная дэскалацыя з РФ у люстраным фармаце.

«Любае паслабленне санкцый супраць Расіі без яснай і працяглай дэскалацыйнай дамоўленасці з Расіяй — гэта відавочная слабасць, гэта гуляе на карысць Расіі, на тое, што яна будзе забіваць больш, ваяваць даўжэй, яшчэ менш будзе паважаць Амерыку і нанясе яшчэ больш страт і шкоды свету», — падкрэсліў ён.

Што папярэднічала

Трамп заявіў, што ў размове з Пуціным дамовіўся, што РФ неадкладна паставіць больш за 300 000 тон дызелю на амерыканскі і сусветны рынкі, яшчэ 500 000 тон — на працягу лістапада, і 1 000 000 тон — адразу пасля гэтага.

Акрамя таго, улічваючы стан нафтаперапрацоўчых заводаў РФ, краіна-агрэсар затым паставіць яшчэ 3 000 000 тон дызельнага паліва.

Мінфін ЗША ўжо дазволіў пастаўку расійскага дызелю і зняў з яго санкцыі да 7 красавіка 2027 года.