Беларускі футбаліст забіў шэсць галоў за адзін матч

• 11.10.2026, 8:47

Гэта адбылося ў матчы 1/8 фіналу чэмпіянату Беларусі сярод каманд другой лігі.

22-гадовы беларускі нападнік Іван Грудзько адзначыўся сэкстатрыкам (забіў шэсць мячоў). Гэта адбылося 10 кастрычніка ў матчы 1/8 фіналу чэмпіянату Беларусі сярод каманд другой лігі, піша by.tribyna.

Грудзько выступаў за каманду «МЛ Віцебск-2», якая з лікам 8:1 перамагла «Ураджайную». Шэсць з васьмі галоў забіў нападнік.

Іван Грудзько нарадзіўся ў 2004 годзе ў Мінску. Кар'еру пачынаў у віцебскім «Макслайне», пасля перайшоў у мазырскую «Славію», гэтым летам на правах арэнды — у віцебскі «МЛ». У складзе асноўнай каманды «МЛ» Грудзько пакуль правёў усяго адзін матч.