ЗСУ знішчылі «Нептунам» шэсць расійскіх Су-34М

• 15.10.2026, 11:20

Паспяховы ўдар па аэрадроме «Барысаглебск».

Уначы на 15 кастрычніка Ваенна-марскія сілы Украіны нанеслі ўдар па расійскім аэрадроме ў Варонежскай вобласці. Знішчаныя шэсць бамбавікоў Су-34М.

Пра гэта паведамляе Charter97.org са спасылкай на Ваенна-марскія сілы Узброеных Сіл Украіны.

Удар быў нанесены берагавым ракетным комплексам «Нептун» па вайсковым аэрадроме «Барысаглебск».

Акрамя самалётаў, знішчылі абсталяванне, якое забяспечвала палёты авіяцыі. На тэрыторыі аэрадрома былі зафіксаваныя паўторныя выбухі і пажар. У ВМС кажуць, што інфармацыя яшчэ ўдакладняецца.

Чым небяспечныя Су-34М

Су-34М могуць несці адразу некалькі кіраваных і фугасных авіябомбаў, а таксама ракеты розных тыпаў. Гэта адно з галоўных сродкаў расійскай авіяцыі для удараў кіраванымі авіябомбамі па пазіцыях Сіл абароны і прыфрантавых населеных пунктах.

У ВМС адзначаюць, што знішчэнне гэтых самалётаў аслабляе авіяцыю праціўніка. Таму, па іх словах, расійская тактычная авіяцыя радзей будзе дзейнічаць на адпаведных накірунках фронту.

Нагадаем, прэзідэнт Украіны Уладзімір Зяленскі заявіў, што Украіна зноў будзе біць па НПЗ Расіі. Паводле яго слоў, забарона на такія ўдары знятая.