У Магілёве абвясцілі «паветраную трывогу»

• 15.10.2026, 15:42

Гучалі сірэны, а жыхары атрымалі СМС ад МНС.

У многіх раёнах Магілёва сёння, 15 кастрычніка, былі чутныя сігналы «паветранай трывогі». Жыхары горада пішуць пра гэта ў сацсетцы Threads.

«Уключэнне сірэн у Магілёве сёння без папярэджання — гэта падстава для трывогі?» — напісаў адзін з магілёўцаў, звяртаючыся да МНС.

«СМС пра тое, што ў межах вучэнняў уключаць сірэны, прыйшла на мабільны праз дзве гадзіны пасля «паветранай трывогі». Паспелі спалохацца і пахвалявацца», — піша іншы жыхар горада, заўважыў сайт Charter97.org.

Раней МНС паведамляў пра правядзенне планавай тэхнічнай праверкі сістэмы апавяшчэння насельніцтва ў Магілёўскай вобласці.