У Беларусі перастаў працаваць яшчэ адзін сэрвіс «Яндэкса»

• 15.10.2026, 19:20

Паглядзець фота канкрэтнага месца на «Яндэкс Картах» больш нельга.

Сэрвіс «Яндэкс Панарамы» перастаў працаваць у Беларусі 15 кастрычніка — паглядзець фота канкрэтнага месца на «Яндэкс Картах» больш нельга, звярнула ўвагу выданне blizko.by.

Праблемы з сэрвісам пачаліся яшчэ раней. Напрыклад, 14 кастрычніка можна было паглядзець толькі самыя свежыя фота — доступу да панарам папярэдніх гадоў карыстальнікі не мелі.

Маштабныя збоі ў працы сэрвісаў «Яндэкса» ў Беларусі і Расіі ўзніклі ў выніку серыі нападаў беспілотнікаў на крытычную інфраструктуру кампаніі. За некалькі дзён пашкоджанні атрымалі адразу тры ключавыя дата-цэнтры (цэнтры апрацоўкі дадзеных, ЦАД) лічбавага гіганта ў Сасаве (Рязанская вобласць), у Калугі і ва Уладзіміры.

Раней паведамлялася, што ў «Яндэкс.Таксі» абмежавалі падключэнне новых партнёраў.

«Гэта мера неабходная для забеспячэння стабільнай працы тых, хто ўжо супрацоўнічае з „Яндэкс.Таксі“. Як толькі ўсё адновяць, форма будзе адкрытая», — удакладнілі ў Асацыяцыі прафесійных перавозчыкаў пасажыраў (АППАТ).