Міністр абароны Вялікабрытаніі: Падтрымка Украіны — гэта велізарная магчымасць для ЗША

• 15.10.2026, 21:04

Кіеў можа зрабіць велізарны ўнёсак ва ўмацаванне магутнасці Вашынгтона.

Міністр абароны Вялікабрытаніі Уэс Стрытынг заявіў, што ЗША варта разглядаць падтрымку Украіны «як велізарную магчымасць».

Пра гэта ён сказаў падчас мерапрыемства ў Вашынгтоне, паведамляе Sky News.

У прыватнасці, паводле слоў Стрытынга, Украіна можа «зрабіць велізарны ўнёсак ва ўмацаванне магутнасці ЗША» дзякуючы свайму абаронна-прамысловаму комплексу, які актыўна развіваецца.

У той жа час ён прызнаў наяўнасць «пэўных выклікаў, што ўзніклі ў апошнія дні».

«Сёння лінія фронту барацьбы за свабоду праходзіць ва Украіне… Украінскі народ адстойвае прынцып, што ляжыць у аснове найлепшых традыцый амерыканскай палітычнай сістэмы, прынцып, які паклаў пачатак Злучаным Штатам і які мы разам адстойвалі», — адзначыў брытанскі міністр.