Арцём Леўшуноў у овертайме прынёс «Чыкага» перамогу над «Вініпегам»

• 16.10.2026, 9:06

Першая шайба беларуса ў сезоне — і адразу такая важная.

«Чыкага» ў матчы рэгулярнага чэмпіянату НХЛ адолеў «Вініпег»: перамогу гаспадарам дакладным кідком прынёс беларус Арцём Леўшуноў, піша betnews.by.

Чыкага — Вініпег — 4:3 (ОТ) (Бедард, 8:11-бол., Назар, 15:10, Донато, 17:11, Леўшуноў, 61:37; Пионк, 16:57, Коннор, 24:44-бол., Иафалло, 45:39).

«Блэкхокс» закінулі тройчы ў першым перыядзе, але дазволілі суперніку адыграцца і перавесці матч у овертайм. Менавіта там і здарыўся эпізод, у якім героем стаў Леўшуноў. Яму асіставалі Патрык Кейн і капітан Конар Бедард.

Гэта першая шайба Леўшунава ў гэтым сезоне, дзе раней пакуль адзначаўся толькі адзін беларус — Ягор Шаранговіч. Арцём правёў на лёдзе 21 хвіліну 34 секунды, выканаў 1 кідок і 2 сілавыя прыёмы, 1 стрэл заблакаваў. Паказчык карыснасці — +1.

У Леўшунава ў цяперашнім чэмпіянаце 1+2 па сістэме «гол+пас» у 8 матчах. «Чыкага» з 6 ачкамі на 13-м месцы ў табліцы Заходняй канферэнцыі.