«Як вам сумы да аплаты?»

• 16.10.2026, 21:45

Мінскія навасёлы ў недаўменні ад жыроўкаў.

104 рублі за гарачае водазабеспячэнне — такую суму выявіла ў жыроўцы жыхарка жылога комплексу «Паўночны бераг» у Мінску. Ёй падалося, што выходзіць неяк дарагавата для кватэры, у якой зарэгістраваны адзін чалавек. Мінчанка падзялілася сітуацыяй у Threads, пасля чаго ў сетцы паднялася хваля абмеркаванняў, піша «Онлайнер».

Высветлілася, што такія «цяжкія» жыроўкі «парадавалі» не толькі яе, але і жыхароў іншых сталічных кварталаў з новабудоўлямі. У чым жа прычына?

Святлана падмацавала свае словы доказамі — падзялілася жыроўкай. Паводле яе слоў, у кватэры зарэгістраваны 1 чалавек. Звярніце ўвагу на графу «Гарачае водазабеспячэнне (падагрэў вады)»:

Некаторыя каментатары адразу здагадаліся, чаму так адбываецца.

— У вас аб'ём вады ў жыроўцы 3,56 Гкал! — піша Ала. — У сярэднім чалавек траціць 3 кубы гарачай вады, гэта прыблізна 0,165 Гкал. Параўнайце гэтыя лічбы! 3,56 і 0,165! Вы аплачваеце агульнадамавыя патрэбы. Адчуванне, што ў доме жыве і зарэгістравана мала людзей, і ўсё раскідалі на невялікую колькасць людзей.

— Так, абмяркоўвалі гэта ў агульнай групе. На жаль, пакуль людзі не засяляцца, будуць такія сумы, — дзеліцца меркаваннем Анастасія.

Як высветлілася, такая сітуацыя можа ўзнікаць ва многіх новабудоўлях горада. Чаму? Усё ў спецыфіцы сучасных групавых прыбораў уліку цеплавой энергіі.