Украіна разбамбіла НПЗ «Лукойла» каля Валгаграда: відэа прылёту

• 2.10.2026, 8:48

Гэта адзін з найбуйнейшых нафтаперапрацоўчых заводаў у Расіі.

У ноч на 2 кастрычніка Сілы абароны Украіны атакавалі стратэгічныя аб'екты ў Валгаградскай вобласці Расіі.

Паводле папярэдняй інфармацыі, у Валгаградзе пад удары трапілі прамысловыя прадпрыемствы і нафтаперапрацоўчы завод, паведамляе Диалог.UA пасля маніторынгу сацсетак.

Паветраную трывогу ў Валгаградскай вобласці 2 кастрычніка абвясцілі неўзабаве пасля поўначы. Каля 01:00 па маскоўскім часе Расавіяцыя часова забараніла палёты самалётаў у аэрапорце Валгаграда.

Відэа публікуе тэлеграм-канал Exilenova+.

Губернатар Валгаградскай вобласці Андрэй Бачараў прызнаў, што ўначы 2 кастрычніка ўкраінскія БПЛА атакавалі аб'екты ў рэгіёне. Асноўнымі мэтамі былі прамысловыя прадпрыемствы ў Валгаградзе.

Жыхары Валгаграда паведамілі пра некалькі гучных выбухаў, у тым ліку ў раёне нафтаперапрацоўчага завода. Валгаградскі НПЗ належыць кампаніі «Лукойл».

Гэта адзін з найбуйнейшых нафтаперапрацоўчых заводаў у Расіі. Ён штогод можа перапрацоўваць у нафтапрадукты каля 15 млн тон сырой нафты. Валгаградскі НПЗ забяспечвае палівам і гаруча-змазачнымі матэрыяламі армію РФ, таму з'яўляецца законнай мэтай для ЗСУ. У 2026 годзе ЗСУ неаднаразова наносілі ўдары па гэтым прадпрыемстве.