Беларусы з 1 кастрычніка могуць замаўляць дровы анлайн

• 2.10.2026, 9:24

Мінлясгас апублікаваў відэаінструкцыю, як гэта зрабіць.

З 1 кастрычніка ў паўнавартасным рэжыме запрацаваў сэрвіс анлайн-замовы дроў, паведамляе Мінлясгас.

Цяпер дровы можна замовіць, не выходзячы з дому, і аплаціць іх праз АРІП, адзначылі ў міністэрстве.

У відэаінструкцыі, апублікаванай Мінлясгасам, тлумачыцца, што дровы можна замовіць праз тэлеграм-бот DROVA_BY або на сайце drova.belgosles.by.

Яшчэ адзін варыянт — адсканаваць QR-код на адным са стэндаў Мінлясгаса, ён перанакіруе на сайт — і далей ужо запоўніць заяўку.

У міністэрстве расказалі, што пакуль сэрвіс працаваў у тэставым рэжыме, ад грамадзян паступіла больш за 900 заявак на дровы. Найбольш актыўнымі былі жыхары Міншчыны і Гомельшчыны.

Дарэчы, для тых, хто аддае перавагу па-старынцы звяртацца ў лясніцтва, такую магчымасць таксама пакінулі.