Расіянец: Сорамна за суайчыннікаў

• 2.10.2026, 16:04

Мала таго, што неадукаваныя, дык яшчэ і невыхаваныя.

Беларуска __valerkiss__ звярнулася ў Threads да турыстаў, якія прыехалі ў нашу краіну з Расіі.

«Не думала, што сутыкнуся з гэтым, але ўжо стамілася, — піша яна. — Расіяне, якія прыехалі да нас у Беларусь, зразумейце ўжо, што ў нас беларускі рубель і ў краме можна разлічыцца толькі беларускай валютай! Вы сур'ёзна думаеце, што мы прымем аплату ў расійскіх рублях?

Яшчэ з такой нахабнасцю кажаце: «ну гэта ж таксама рублі, якая розніца, беларускія ці расійскія». Сур'ёзна!? Запомніце, ёсць не толькі расійскі рубель, але і беларускі. І хопіць параўноўваць цэны! Едзьце ў Расію, там жывіце і разлічвайцеся сваёй валютай!

Пры гэтым рэакцыя заўсёды такая здзіўленая і грубая, калі спрабуеш патлумачыць, дапамагчы, падказаць, дзе найбліжэйшы банк, каб памяняць грошы. Накіпела».

Пост сабраў больш за паўтары сотні каментарыяў. Да абмеркавання далучыліся расіяне, частка якіх адразу пачала абражаць аўтара паста, а іншая паспрабавала прысароміць сваіх суайчыннікаў.

Сайт Charter97.org прыводзіць некаторыя каментары:

— Іх расійскія рублі больш нідзе не каціруюцца, акрамя самой Расіі. Але па ТБ ім там добра прамываюць мазгі. Вось і думаюць, што ўсюды можна разлічвацца гэтай туалетнай паперай.

— Хочаце прыкол? Яны ў ААЭ падобнае вытвараюць. Заўсёды шмат прэтэнзій. Да ўкраінцаў і беларусаў пытанняў няма. Імі ўсе заўсёды задаволены.

— Яны не разумеюць, чаму ў Тайландзе па-руску не размаўляюць, а вы пра рублі...

— Нават неяк сорамна стала за суайчыннікаў.

— Амаль усе жыхары Расіі — нядобрыя людзі, таму толькі поўная забарона на ўезд.