Амерыканскія марскія пехацінцы ўзмоцняць місію НАТА ў Балтыйскім моры

• 2.10.2026, 17:42

Пентагон раскрыў падрабязнасці аперацыі Baltic Sentry.

ЗША перакінуць у рэгіён Балтыйскага мора спецыялізаваную групу марской пяхоты, якая цяпер разгорнутая ў Еўропе, паведаміла прэс-служба Пентагона. Вайскоўцаў накіруюць туды для падтрымкі місіі НАТА Baltic Sentry.

Ідзе пра перакід прыкладна 40 вайскоўцаў 2-га разведвальнага батальёна 2-й дывізіі марской пяхоты ЗША, якая базуецца на вайсковай базе Кэмп-Леджун у Паўночнай Караліне. Гэтыя марскія пехацінцы разам з фінскай берагавой брыгадай будуць забяспечваць назіранне і тактычную разведку. Мэта місіі — узмацніць кантроль над сітуацыяй у моры, абараніць крытычна важную падводную інфраструктуру і ўмацаваць агульную бяспеку ў рэгіёне.

«Baltic Sentry» — гэта калектыўныя абарончыя намаганні, якія ўзначальваюць еўрапейскія краіны — члены НАТА, а корпус марской пяхоты ЗША выконвае дапаможную і забяспечвальную ролю.

«Забеспячэнне стабільнасці ў ключавых марскіх цеснінах Еўропы спрыяе абароне фізічнай і эканамічнай бяспекі трансатлантычнай супольнасці. Аперацыя Baltic Sentry падкрэслівае непасрэдную баявую гатоўнасць Альянсу, яго тэхналагічную адаптыўнасць і калектыўную рашучасць стрымліваць і рашуча пераадолець любую пагрозу рэгіянальнай стабільнасці», — дадалі ў рэлізе.