Як беларусы будуць адпачываць у 2027-м годзе

• 2.10.2026, 18:26

Нас чакаюць доўгія выходныя.

У 2027 годзе ў беларусаў будзе некалькі доўгіх выходных. Разам з тым «згараюць» шэсць святаў, у якія жыхары краіны маглі б адпачываць, — заўважылі ў Myfin.by.

Першыя доўгія выходныя чакаюць беларусаў пасля Новага года: 1 студзеня прыпадае на пятніцу — значыць, тры дні запар будуць непрацоўнымі. Праваслаўнае Раство (7 студзеня) будуць святкаваць у чацвер — ёсць верагоднасць, што наступную за ім рабочую пятніцу перанясуць на адну з субот.

У пачатку вясны зноў тры выходныя: беларусы адпачнуць з 6 па 8 сакавіка (субота, нядзеля, панядзелак). У маі краіна атрымае тры або чатыры выходныя запар: Радаўніцу адзначаць 11-га (аўторак), а 10-га, верагодна, перанясуць на адну з субот — 8-га або 15-га.

Больш доўгіх выходных у 2027-м не будзе. Адразу 6 святковых дзён прыпадаюць на суботу і нядзелю, якія ў Беларусі і так з'яўляюцца непрацоўнымі:

2 студзеня (дзень пасля Новага года) — субота

1 мая (Дзень працы) — субота

9 мая (Дзень Перамогі) — нядзеля

3 ліпеня — субота

7 лістапада (Дзень Кастрычніцкай рэвалюцыі) — нядзеля

25 снежня (каталіцкае Раство) — субота.

На будні ў 2027-м прыпадуць чатыры святы, у 2026-м такіх дзён — сем.