У прыватным доме ў Магілёве выявілі мёртвую пару

• 20.10.2026, 21:12

Следчыя разглядаюць розныя версіі таго, што адбылося.

Вечарам 19 кастрычніка ў адным з прыватных дамоў Магілёва выявілі целы 60-гадовай гаспадыні і яе 66-гадовага сужыцеля. Прыкмет гвалтоўнай смерці няма, паведаміла Magilev.by афіцыйная прадстаўніца ўпраўлення СК па Магілёўскай вобласці Тацяна Старосотнікава.

«Папярэдне ўстаноўлена, што жанчына памерла ад атручвання этылавым спіртам, мужчына — ад вострай сардэчнай недастатковасці», — распавяла Тацяна Старосотнікава.

Для ўстанаўлення дакладных прычын смерці кожнага з памерлых, а таксама наяўнасці атрутных рэчываў у іх арганізме, прызначаныя экспертызы.

Следчыя праводзяць праверку.