Зяленскі: ЗША зноў папярэджваюць Украіну пра запускі балістычных ракет РФ

• 20.10.2026, 22:14

Вашынгтон аднавіў абмен разведдадзенымі з Кіевам.

ЗША аднавілі абмен разведдадзенымі з Украінай у кантэксце папярэджанняў пра балістычныя атакі расіян.

Як перадае РБК-Украіна, пра гэта на прэс-канферэнцыі па выніках сустрэчы са спецпрадстаўніком прэзідэнта ЗША Стывам Уіткафам заявіў прэзідэнт Украіны Уладзімір Зяленскі.

Паводле слоў кіраўніка ўкраінскай дзяржавы, Украіна ўдзячная, што абмен разведдадзенымі з ЗША зноў функцыянуе.

«Я кажу пра ранняе папярэджанне, якое вельмі важнае для нашых людзей, для дзяцей, дарослых і мірных жыхароў, бо мы можам пачуць папярэджанне пра набліжэнне балістычнай ракеты», — сказаў Зяленскі.

Ён нагадаў, што таксама абмяркоўваў пытанне абмену разведдадзенымі з дзяржаўным сакратаром ЗША Маркам Рубіо.