«Белавія» аднаўляе рэйсы з Мінска на Шры-Ланку

• 21.10.2026, 9:35

Колькі каштуюць туры.

Нацыянальны авіяперавозчык «Белавія» з 27 кастрычніка аднаўляе лётную праграму на Шры-Ланку, піша «Зеркало».

Прамыя рэйсы з Мінска будуць вылятаць у Маталу раз на тыдзень па аўторках.

Пасажыраў у пункт прызначэння даставіць самалёт Airbus A330−200. Ён будзе вылятаць з беларускай сталіцы а 00.50, а ў 12.40 прызямляцца ў аэрапорце Матале.

Час у дарозе складзе каля 9,5 гадзіны.

Як паведамляе Рэспубліканскі саюз турыстычных арганізацый (РСТО), туроператар «АэроБелСервис» прапануе туры на Шры-Ланку па цане ад 6200 рублёў на аднаго чалавека за 14 дзён адпачынку ў чатырохзоркавым гатэлі са сняданкамі. На сайце Tez Tour можна знайсці пуцёўку на сем дзён у двухзоркавым гатэлі за 3721 рубель на чалавека.

«Гэта другі сезон напрамку на нашым рынку. Шры-Ланка прыцягвае падарожнікаў сваімі старажытнымі гарадамі, цудоўнымі пляжамі, чайнымі плантацыямі і храмамі», — дадалі ў РСТО.

Для ўезду неабходна загадзя аформіць электронны дазвол. Для беларусаў да 30 дзён знаходжання на Шры-Ланцы дазвол афармляецца бясплатна.