Зяленскі: Украіна атрымае надзейныя гарантыі бяспекі

• 21.10.2026, 9:50

Прэзідэнт Украіны падвёў вынікі перамоваў з Уіткофам у Асло.

Прэзідэнт Уладзімір Зяленскі заявіў, што падчас перамоваў у Асло 20 кастрычніка амерыканскі бок падкрэсліў, што Украіна атрымае «надзейныя» гарантыі бяспекі.

Пра гэта ён сказаў падчас прэс-канферэнцыі, паведамляе «Еўрапейская праўда».

Зяленскі адзначыў, што падчас зносін з прадстаўнікамі ЗША 20 кастрычніка яны «падрабязна абмеркавалі гарантыі бяспекі».

«Я ўдзячны амерыканскаму боку за тое, што ён зноў падкрэсліў: гэтыя гарантыі будуць надзейнымі», — сказаў ён.

Паводле слоў украінскага прэзідэнта, цяпер ёсць розныя прапановы.

«Мы гаварылі пра НАТА, пяты артыкул Альянса і гарантыі бяспекі, падобныя да тых, якія прадугледжвае артыкул 5. У дакуменце прапісаныя розныя варыянты такіх гарантый. Стыў перадасць гэты дакумент расіянам, і праз дзень мы пачуем іх водгук. Гэта надзвычай важна, бо пасля завяршэння гэтай вайны нам патрэбныя надзейныя гарантыі бяспекі», — падкрэсліў Зяленскі.

У гэты дзень Зяленскі правёў сустрэчу са спецпрадстаўніком прэзідэнта ЗША Трампа Стывам Уіткофам у Асло.

А прэм'ер-міністр Нарвегіі Ёнас Гар Стэрэ абвясціў пра маючую адбыцца паездку спецпрадстаўніка амерыканскага прэзідэнта Дональда Трампа Стыва Уіткофа ў Расію.