У Мінску з акна шматпавярхоўкі выпаў мужчына ў чорным і з балаклавай на галаве

• 21.10.2026, 10:59

Інцыдэнт адбыўся на Лагойскім тракце.

Мужчына выпаў з акна дзесятага паверха адной з шматпавярховак на Лагойскім тракце ў Мінску, піша Onliner.

«Мужчына ў чорным і з балаклавай на галаве выпаў з акна дзесятага паверха. Цяпер яго спрабуюць зняць прыбылыя на месца ратавальнікі МНС», — паведаміў журналістам відавочца.

Паводле суразмоўцы, чалавека, які павіс за фасадам, ён заўважыў каля 8:30 раніцы.

«Цела павісла на ўзроўні восьмага паверха. Папярэдне, мужчына знаходзіўся ў кватэры на дзясятым паверсе: там адчыненае акно, з якога цягнецца трос», — расказаў ён.

Паводле слоў іншага відавочцы, неўзабаве на месца здарэння прыехалі міліцыя і МНС. Спецыялісты змаглі трапіць у кватэру на дзясятым паверсе, адкуль, меркавана, выпаў чалавек.