Уіткоф і прэм'ер Кітая адначасова апынуліся ў Санкт-Пецярбургу на тле перамоваў па Украіне

• 21.10.2026, 11:31

Лі Цян сустракаецца з прэм'ер-міністрам РФ Мішусціным.

Спецпасланнік амерыканскага прэзідэнта Стыў Уіткоф і прэм'ер Дзяржаўнага савета Кітая Лі Цян павінны адначасова знаходзіцца ў Санкт-Пецярбургу 21 кастрычніка.

У гэты час Вашынгтон працягне абмяркоўваць з Масквой завяршэнне вайны ва Украіне, піша «Агенцтва».

Уіткоф мае намер перадаць расійскаму кіраўніцтву прапановы ЗША, Украіны і еўрапейскіх краін, а Лі Цян правядзе перамовы з прэм'ер-міністрам РФ Міхаілам Мішусціным.

Прэм'ер Кітая Лі Цян прыбыў у Пецярбург для ўдзелу ў 31-й рэгулярнай сустрэчы кіраўнікоў урадаў Расіі і Кітая. Ягоны візіт працягнецца да 22 кастрычніка.

Незадоўга да гэтага Дональд Трамп заявіў пра гатоўнасць удзельнічаць у магчымай трохбаковай сустрэчы з Уладзімірам Пуціным і старшынём КНР Сі Цзіньпінам.

Крэмлёўскі дыктатар у межах такога гіпатэтычнага саміту плануе прасоўваць ідэю «новай Ялты». Пры гэтым амерыканскі прэзідэнт выказаў перавагу абмяркоўваць на ім ядзерную зброю і раззбраенне, а не толькі вайну ва Украіне.