У Беларусі выпусцілі марожанае са смакам піва

• 21.10.2026, 11:39

Утрыманне алкаголю — 0,0%.

Беларуская кампанія «Нордар» выпусціла марожанае са смакам піва. Вытворца паабяцаў, што незвычайны дэсерт хутка з’явіцца ў крамах краіны.

«Мы першыя ў Беларусі, хто гэта зрабіў. Піва і марожанае ў адным?! Так! Мы запусцілі безалкагольнае марожанае са смакам піва», — напісаў карпаратыўны акаўнт «Нордар» ў Instagram, паказаўшы ўпакоўку «пеннага» ласунку.

Паводле этыкеткі, тэрмін захоўвання прадукту — год, а ўтрыманне алкаголю — 0,0%.

У Threads кампанія дадала, што навінка паступіць у продаж у бліжэйшы час.