Расіянка: Вы заўважылі, як беларусы нас перавыхавалі?

• 21.10.2026, 16:52

Што трэба рабіць, каб не «атрымаць бульбай па ілбу».

Расіянка расказала пра тое, як беларусам удалося дамагчыся ад многіх яе суайчыннікаў правільнага вымаўлення назвы нашай краіны. Аказваецца, гэта ўсё ж такі магчыма, заўважыў сайт Charter97.org.

«Вы, дарэчы, заўважылі, як беларусы нас усіх у пытаннях арфаграфіі перавыхавалі? — піша яна. — Я кожны раз моцна напружваюся, каб пры іх не сказаць «Белоруссия» і не атрымаць бульбай па ілбу. І нават калі я пісала «белорусы», я таксама напружвалася: а раптам трэба напісаць «беларусы».»

Многія расіяне расказалі, чаму адмовіліся выкарыстоўваць няправільную назву нашай краіны.

«Я жыву ў РФ і пішу Беларусь, бо мне не складана, а беларусам прыемна», — напісаў адзін з іх.

«Нам трэба пісаць «белорусы», але краіна — Беларусь; гэтаму правілу вучаць дзяцей у беларускіх школах на ўроках рускай мовы, некаторыя, відаць, прагульвалі, — дапаўніў допіс яшчэ адзін каментатар. — «Белоруссия» можна казаць, калі гаворка пра БССР, пра гэта выдатна ведаюць людзі, якія хадзілі на ўрокі гісторыі. У дачыненні да сучаснай Беларусі назва «Белоруссия» некарэктная, бо такой краіны ўжо няма, як, напрыклад, Маскоўскага княства або Кіеўскай Русі».