Гэта не вайна Пуціна, гэта вайна Расіі

• Гары Каспараў
• 21.10.2026, 19:53

Ніводзін дыктатар не мог бы весці вайну такога маштабу, не маючы даволі значнай падтрымкі не толькі эліт.

Мы маем справу не з вайной Пуціна. Гэта не вайна Пуціна, гэта вайна Расіі. Бо абсалютна відавочна, і мне непрыемна гэта казаць, але Пуцін мае падтрымку. Можна сказаць, значнай большасці, большасці расійскага грамадства, якое ў многім лічыць, што, у цэлым, гэтая вайна адпавядае іх уяўленню пра свет і, між іншым, прыносіць пэўныя эканамічныя і сацыяльныя дывідэнды вялікай колькасці насельніцтва, якое раней было іх пазбаўлена.

Калі вы сёння знаходзіцеся на тэрыторыі Расіі, то наўпрост або ўскосна вы ўдзельнічаеце ў агрэсіўнай злачыннай вайне.

Там розныя людзі ёсць. Безумоўна, ёсць тыя, хто наогул ніякага дачынення не мае, але іх значна менш. Але фактычна ўся расійская эканоміка падпарадкаваная вайне. Таму вельмі вялікая верагоднасць, што вось гэты самы інтэлігентны чалавек, які супраць вайны, усё ж такі ўцягнуты. Ну, чалавеку трэба жыць урэшце. Ён жа павінен нешта рабіць, неяк зарабляць. Вельмі верагодна, што ён наўпрост або ўскосна, нярэдка наўпрост, звязаны з вайсковай прамысловасцю.

Мая задача — стварэнне неабходных умоў для тых, хто можа і хоча з'ехаць з Расіі, каб не асацыявацца з рэжымам і, у тым ліку, не рабіць ракеты, калі ты не хочаш іх рабіць, або рабіць іх у іншым месцы, але не ў Расіі.

Трэба проста разумець, што ніводзін дыктатар не мог бы весці вайну такога маштабу, поўнамаштабную вайну, ужо амаль пяць гадоў, не маючы даволі значнай падтрымкі не толькі эліт, але і большай часткі грамадства.

Гары Каспараў, «Радыё Свабода»