Робаты ЗСУ падрыхтавалі расіянам яшчэ адзін «сюрпрыз» на фронце

• 21.10.2026, 21:07

Фотафакт.

Украіна пераносіць небяспечныя інжынерныя работы на наземныя беспілотнікі, выводзячы тэхналогію на новы ўзровень. Раней робаты дыстанцыйна мінуравалі падыходы да ўкраінскіх пазіцый, цяпер іх чакае на фронце новы «сюрпрыз», перадае «Дыялог».

На апублікаваных фотаздымках паказаны робат ЗСУ, які разгортвае агароджу з калючага дроту на адкрытай мясцовасці. Вайскоўцы кіруюць машынай дыстанцыйна — знаходзіцца побач з ёй падчас устаноўкі не патрабуецца.

У ўмовах рэальнага фронту адзін такі дрон у сярэднім можа закрыць ад 1 да 3 кіламетраў за суткі.

На апублікаваных кадрах Сухапутных войскаў ЗСУ паказана праца колавага наземнага рабатызаванага комплексу (НРК) 16-й асобнай брыгады падтрымкі, які дыстанцыйна ўсталёўвае спіральныя супрацьпяхотныя агароджы тыпу «Ягоза».

Гэта дазваляе Украіне разам з дыстанцыйным мінураваннем ператвараць адкрытую мясцовасць у паласу перашкод, непраходную для расійскіх акупантаў. Робат рухаецца бесперапынна. Спецыяльна распрацаваны нахільны металічны каркас дазваляе размотваць масіўную бухту «Ягозы» проста на хаду пад уласнай вагой і сілай трэння. Тое, на што ў групы людзей пайшлі б дзесяткі хвілін небяспечнай працы, дрон робіць за лічаныя хвіліны.