Аўстрыя высылае чатырох расійскіх дыпламатаў

• 23.10.2026, 12:58

Іх абвясцілі персонамі нон грата і загадалі пакінуць краіну.

Міністэрства замежных спраў Аўстрыі прыняло рашэнне выслаць чатырох расійскіх дыпламатаў.

Пра гэта піша ORF.

Трое з дыпламатаў, якіх высылае Аўстрыя, акрэдытаваныя пры пасольстве Расіі ў Вене, а яшчэ адзін уваходзіць у склад расійскай дэлегацыі ў Арганізацыі па бяспецы і супрацоўніцтве ў Еўропе (АБСЕ).

Як паведамілі ў міністэрстве, дыпламаты займаліся дзейнасцю, несумяшчальнай з іх дыпламатычным статусам. Таму іх абвясцілі персонамі нон грата і загадалі пакінуць краіну.

Гэтыя меры былі заснаваныя на разведвальных дадзеных, сабраных органамі бяспекі, заяўляюць у міністэрстве. Дадатковых падрабязнасцяў аб прычынах высылкі не паведамілі.