Маскву атакуюць дроны: закрытыя ўсе аэрапорты

• 23.10.2026, 15:21

БПЛА прарываюць СПА расійскай сталіцы.

Маскву атакуюць беспілотнікі, а ўсе аэрапорты сталіцы РФ не прымаюць і не адпраўляюць рэйсы.

Пра гэта паведамляе РБК-Украіна са спасылкай на заявы мэра Масквы Сяргея Сабяніна.

Паводле даных расійскіх СМІ, украінскія дроны спрабуюць прарваць СПА Масквы з-за скідаў беспілотнікаў з носьбітаў. Усе маскоўскія аэрапорты закрылі для прыёму і адпраўкі рэйсаў.

У 13:38 Сабянін напісаў: «Сіламі СПА Мінабароны знішчаныя чатыры БПЛА, што ляцелі на Маскву. Спецыялісты экстранных службаў працуюць на месцы падзення абломкаў».

Праз 20 хвілін мэр паведаміў яшчэ пра два знішчаныя беспілотнікі. У 14:10 ён назваў два збітыя БПЛА, а на месцы падзення абломкаў зноў працавалі экстранныя службы.

«Тры БПЛА знішчаныя сродкамі СПА Мінабароны. Спецыялісты экстранных службаў працуюць на месцы падзення абломкаў», — напісаў Сабянін у 14:36.

У чатырох паведамленнях мэра гаворыцца пра 11 беспілотнікаў.

Нагадаем, сёння дроны атакавалі таксама хімкамбінат «Азот» у Пермскім краі РФ. Над прадпрыемствам у Бярэзніках заўважылі дым, а ўлады рэгіёна заяўлялі пра атаку беспілотнікаў.