Малады беларус параўнаў свае даходы і выдаткі

• 23.10.2026, 18:42

Жыхар Віцебска не разумее, як можна жыць на адну зарплату.

Жыхар Віцебска напісаў у сацыяльнай сетцы Threads пра сваю зарплату і пра тое, на што яе хапае.

«Мне 24, я з Віцебска, — піша ён. — Зарплата — 1500 рублёў на рукі. Зберажэнні — каля $10 000. Дапамогі ад бацькоў, спадчыны і партнёра няма. Падлічыў сваё жыццё. Толькі самае неабходнае:

Кватэра: 600–700, прадукты: 500, МТС: 30, транспарт: 50, гігіена, пранне, прыборка: 30, адзенне (у сярэднім за месяц): 45, адносіны: 0.

Разам прыкладна 1255 рублёў.

У разлік не ўвайшлі: лекі, стаматолаг, стрыжка, тэхніка, адпачынак, кафэ, кіно, адукацыя, падарункі, хобі, хатнія жывёлы, форс-мажоры. Ні капейкі.

Думкі: я не бачу перспектываў тут жыць. Адзіны план: скараціць выдаткі на жыллё і паралельна перанавучвацца на дыстанцыйную працу з высокім даходам. Скажыце шчыра, у чым я памыляюся, якія ў мяне сляпыя зоны, што б вы зрабілі на маім месцы? Асабліва чакаю водгукаў ад зумераў і тых, хто старэйшы».

Большасць каментатараў параіла з'язджаць з краіны.

«Дам толькі адну параду: валіць за мяжу, — напісаў адзін з іх. — Знаёмы хлопец прыкладна ў такім узросце пачаў ездзіць у Нідэрланды на гародніну/цюльпаны. Цяпер ён пастаянна працуе там у фермера і спакойна ўтрымлівае жонку і траіх дзяцей».