Герасімаў абвясціў пра спыненне агню на Херсонскім кірунку

• 23.10.2026, 19:17

У сувязі з гуманітарнай аперацыяй у Алешках.

Узброеныя сілы РФ у сувязі з правядзеннем гуманітарнай аперацыі каля Алешак на херсонскім кірунку уводзяць рэжым цішыні з 04:00 па мінскім часе 27 кастрычніка. Пра гэта паведаміў начальнік Генштаба Узброеных сіл Расіі — першы намеснік міністра абароны, генерал арміі РФ Валерый Герасімаў.

«У сувязі з правядзеннем гуманітарнай аперацыі ў раёне населенага пункта Алешкі Херсонскай вобласці Узброенымі сіламі Расійскай Федэрацыі спыняецца агонь на херсонскім кірунку і ўводзіцца рэжым цішыні з 04 гадзін раніцы мск 27 кастрычніка 2026 года», — цытуе яго словы прэс-служба Мінабароны РФ.

Ён дадаў, што для забеспячэння бяспекі людзей і дастаўкі сацыяльна значных грузаў будзе арганізавана правядзенне інжынернай разведкі і забеспячэнне бяспечнага руху гуманітарнай калоны.