«Мы самі ўсё зробім»: Зяленскі распавёў, як змагацца з балістыкай РФ

• 24.10.2026, 9:19

Украіне патрэбная вялікая, моцная армія як мінімум на бліжэйшыя 10 гадоў.

Расія штомесяц вырабляе 140 балістычных ракет, а ў яе арсенале ўжо ёсць 700 такіх ракет. Такое заявіў прэзідэнт Украіны Уладзімір Зяленскі, піша Clash Report.

«Усе гавораць пра гэтыя ракеты, але гэтую праблему можна вырашыць. Каля 70% кампанентаў для кожнай балістычнай ракеты паступаюць з іншых краін — з Азіі, ЗША і Еўропы. Вы можаце гэта спыніць, бо гаворка ідзе пра вашы кампаніі», — сказаў ён.

Паводле яго слоў, кампаніі па ўсім свеце прадаюць гэтыя кампаненты Расіі.

«Мы сказалі нашым амерыканскім партнёрам: уключыце Starlink у тых рэгіёнах Расіі, адкуль запускаюцца балістычныя ракеты. Чаму мы ўсе павінны знаходзіцца пад ударам? Чаму ўся Еўропа павінна баяцца, што расійскія балістычныя ракеты могуць дасягнуць еўрапейскай тэрыторыі? Уключыце Starlink. Мы самі ўсё зробім. Мы з усім справімся. Вядома, мы гэта зробім, калі Расія не спыніць гэтую вайну. Уключыце яго. Гэта ж зусім не складана», — патлумачыў прэзідэнт Украіны.

Ён упэўнены, што Украіне «патрэбная вялікая, моцная армія — як мінімум на бліжэйшыя 10 гадоў».

«Гэта патрабуе велізарных выдаткаў, але наша краіна пацярпела ад масіраваных удараў, а эканоміка не можа функцыянаваць на 100% ва ўмовах вайны. Нам патрэбны час на аднаўленне і прыцягненне інвестыцый. Менавіта таму нам неабходная фінансавая падтрымка з боку нашых партнёраў», — дадаў Зяленскі.