Памёр журналіст сайта «Хартыя-97» Канстанцін Іваноў

• 24.10.2026, 15:11

Светлая памяць.

Пасля цяжкай хваробы не стала журналіста сайта Charter97.org Канстанціна Іванова. Яму было 40 гадоў.

У 2000-х Канстанцін быў адным з найбольш прыкметных актывістаў руху «Зубр» і грамадзянскай кампаніі «Еўрапейская Беларусь» у Віцебску. Яго неаднаразова затрымлівалі сілавікі падчас акцый пратэсту.

Пасля прэзідэнцкіх «выбараў» 2010 года пераехаў у Польшчу і працаваў журналістам сайта Charter97.org.

Канстанцін быў добрым і адгуклівым чалавекам, заўсёды гатовым дапамагчы, умеў радавацца жыццю і гарача любіў Беларусь. Мы страцілі не проста калегу, а сябра. Нам заўсёды будзе яго не хапаць.

Выказваем шчырыя спачуванні родным і блізкім Канстанціна.