Sky News: Знойдзены два месцы для перамоваў паміж Украінай, ЗША і РФ

• 24.10.2026, 14:19

Сустрэча магчымая праз пару тыдняў.

Па інфармацыі крыніц у ўрадзе ЗША, наступны раўнд перамоў паміж дэлегацыямі ЗША, Украіны і Расіі можа адбыцца ў Абу-Дабі або ў Швейцарыі.

Пра гэта стала вядома Sky News.

Амерыканскі чыноўнік заявіў, што сустрэча магчымая «праз пару тыдняў» у Абу-Дабі або ў Швейцарыі.

Як адзначыў амерыканскі чыноўнік, мэта палягае ў тым, каб урэшце падрыхтавацца да сустрэчы на высокім узроўні. Аднак да гэтага яшчэ давядзецца зрабіць нямала працы.

Прэзідэнт Украіны Уладзімір Зяленскі паразмаўляў са спецпрадстаўнікамі амерыканскага прэзідэнта Дональда Трампа і заявіў, што трохбаковую сустрэчу на ўзроўні каманд па пытанні спынення вайны РФ супраць Украіны плануюць правесці ў першай палове лістапада.