Аперацыя «Вівальдзі»: Узброеныя сілы Украіны сарвалі расійскія планы па Славянску і Краматорску

• 24.10.2026, 17:31

Акупанты перайшлі да абароны.

План расійскіх акупантаў па захопе Краматорска і Славянска цалкам сарваны ўкраінскімі войскамі. Акупанты перайшлі да абароны. Пра гэта заявіў намеснік камандзіра Трэцяга армейскага корпуса Узброеных Сіл Украіны Максім Жорын.

Паводле слоў украінскага вайскоўца, расейцы марылі ўзяць гарады ў «кляшні». Аднак у ходзе аперацыі «Вівальдзі» адна з такіх «кляшняў» была цалкам знішчана.

«Гэта дазволіла не толькі спыніць прасоўванне праціўніка, але і адкінуць яго. Цяпер расейцы ў паласе адказнасці нашых падраздзяленняў думаюць ужо не пра наступальныя дзеянні, а толькі пра абарону», — адзначыў Жорын.

Ён дадаў, што дзеянні ўкраінскіх сіл прымусілі ворага спрабаваць стабілізаваць і ўтрымліваць ужо існыя пазіцыі.

«Відавочна, мы нанеслі ім сур'ёзны маральны ўдар, што можна назіраць у істэрыках розных z-блогераў», — падкрэсліў вайсковец.