Гэта вам ужо не Дзімон

• Тэлеграм-канал «СерпомПо»
• 25.10.2026, 10:12

Чым скончыцца бясконцая чарада крэмлёўскіх авантур?

Многа будзе працы для гісторыкаў і юрыстаў будучага Нюрнберга, калі (будзем спадзявацца) свет пазбегне ядзернай вайны.

Мы ўжо прызвычаіліся да пахмельна-алкагольных ядзерных выступаў Мядзведзева-Караганава, але вось Financial Times паведамляе, што Пуцін быў гатовы прымяніць тактычную ядзерную зброю ва Украіне ўжо праз тыдзень пасля 24 лютага.

Маўляў, пагроза была знятая перамовамі пры пасярэдніцтве былога супрацоўніка «Штазі» Варніга, а 11 кастрычніка 2022 года заходнія краіны папярэдзілі Пуціна пра наступствы ядзернага ўдару.

Мы не ведаем, ці праўда гэта. Але, шмат гадоў назіраючы за крэмлёўскімі авантурыстамі, вы здзівіцеся, калі гэта акажацца праўдай? Ды што ўвогуле гэтая гісторыя з Крымам? Сірыйская авантура, што скончылася крахам? Прыгоды ў Афрыцы? Саюз з агіднымі рэжымамі Паўночнай Карэі і Іранам? Само 24 лютага, нарэшце? Бясконцая чарада авантур з ядравым «грыбом», што маячыць на гарызонце.

Тэлеграм-канал «СерпомПо»