Украінскія нацгвардзейцы збілі рэактыўную «Герань-5» перахопнікам STING
- 25.10.2026, 15:40
Спецыяльны дрон быў распрацаваны камандай «Дзікія Шэршні».
Аператары дронаў 32-га Валынскага асобнага батальёна Нацыянальнай гвардыі Украіны збілі расійскі рэактыўны беспілотнік «Герань-5».
Як паведамляе Цензор.НЕТ, для перахопу варожай мэты ўкраінскія пілоты выкарысталі дрон-перахопнік STING, распрацаваны камандай «Дзікія Шэршні».
У выніку дакладнага траплення ў корпус расійскай «Герані-5» варожы беспілотнік быў знішчаны ў паветры.
Кадры паспяховага перахопу апублікавалі «Дзікія Шэршні», адзначыўшы, што раней такія мэты ўжо збівалі з дапамогай новых дронаў-перахопнікаў STING S.