Зяленскі: Starlink і выведвальныя звесткі ЗША зноў працуюць на 100%

• 25.10.2026, 22:01

Нявырашаным застаецца пытанне дадатковых сістэм СПА.

Starlink аднавіў працу ва Украіне, а выведвальныя звесткі па балістыцы цяпер паступаюць бесперабойна пасля прадуктыўных перамоваў у Осла.

Пра гэта заявіў прэзідэнт Украіны Уладзімір Зяленскі у інтэрв'ю журналістцы Але Мазур.

Паводле слоў кіраўніка дзяржавы, гутарка была прадуктыўнай і прадметнай. Ён адзначыў, што ўкраінская выведка па ўдарах балістыкі працуе на 100%.

«Эмацыйны дыялог паміж Украінай і ЗША вярнуўся да працы. Starlink вярнуўся да працы (у суботу а 5:20 раніцы). У нас ёсць неабходны вынік. Мы атрымалі тое, што нам патрэбна. Гэта адна з частак нашых размоў у Осла», — расказаў прэзідэнт.

Прэзідэнт патлумачыў, што эмацыйнасць дыялогу раней суправаджалася трыма асноўнымі выклікамі — дэфіцытам сістэм СПА, абмежаваннем у працы Starlink і абмежаваннямі на выведвальныя звесткі ад ЗША.

На гэты момант два пытанні ўжо знятыя, аднак нявырашаным застаецца пытанне забеспячэння дадатковымі сродкамі супрацьпаветранай абароны.