«Лаўроў прагаварыўся»

• 26.10.2026, 10:43

Украінскі дыпламат звярнуў увагу на важную дэталь.

Экс-кіраўнік МЗС Украіны Вадзім Прыстайка у інтэрв’ю «Апострафу» расказаў пра адзін інцыдэнт, што здарыўся ў Расіі: «Памятаеце, што сказаў Лаўроў? Што Расія можа даць адзін дзень на правядзенне выбараў, а Зяленскі не заслугоўвае адпачынку падчас вайны. Вы заўважылі, што Лаўрову дазволілі сказаць слова „вайна“? А куды падзеўся артыкул за называнне вайны вайной? Гэта ж была „спецыяльная ваенная аперацыя“. Я дзівлюся, што ніхто не заўважыў, што Лаўроў не проста прагаварыўся, а спецыяльна сказаў: „Вайна“. Гэта значыць, што ў гэтым калектыўным Пуціне яны ўжо поўнасцю зразумелі, што вайна з Украінай — гэта вельмі сур’ёзна і ўсё набліжаецца да экзістэнцыяльнасці не толькі для Украіны, але і для іх таксама».

Таксама Прыстайка агучыў сваю трактоўку сказанага Лаўровым: «Гэта тыповы парыў. Ён жа не змог кантраляваць кожнае сваё слова. Я сустракаўся з Лаўровым раней як міністр. Я ведаю, што гэта вельмі злы і вопытны вораг. Ён не можа прагаварыцца. Гэта або зроблена спецыяльна, і ідзе новая рыторыка, якая потым дазволіць мабілізаваць расіян на вайну. Можа быць такая змена, што мы не справіліся з „СВА“, цяпер — „уставай, краіна вялікая“».