Снайдэр: Усё можа завяршыцца вясной

• 26.10.2026, 16:00

Расія будзе вымушаная скончыць вайну.

Амерыканскі гісторык Цімаці Снайдэр заявіў, што пасля паездкі на ўкраінскі фронт лічыць буйны прарыў расійскай арміі малаверагодным. Ён пацвердзіў, што ў другой палове 2026 года ўкраінскія войскі адваятоўваюць больш тэрыторый, чым губляюць, і наносяць праціўніку значна больш цяжкія страты.

Разам з тым, па словах гісторыка, Расія сістэматычна разбурае ўкраінскую эканоміку удалечыні ад лініі фронту, атакуючы заводы, шахты і металургічныя прадпрыемствы. Менавіта шкода эканоміцы і сродкам да існавання ўкраінцаў, лічыць Снайдэр, стала адной з пераваг Масквы ў параўнанні з сітуацыяй паўгадовай даўніны.

Ён таксама назваў украінскую і расійскую арміі адзінымі, якія цяпер фарміруюць новыя падыходы да сучаснай вайны. Паводле яго ацэнкі, Украіна ўкараняе ваенныя інавацыі, а Расія пераймае іх з затрымкай у некалькі месяцаў, але ўжывае ў большых маштабах.

Паводле меркавання Снайдэра, расійскія ўлады першапачаткова разлічвалі весці вайну так, каб яна не закранала паўсядзённае жыццё грамадзян. Аднак цяпер украінскія далёкабійныя беспілотнікі рэгулярна паражаюць мэты ў глыбіні тэрыторыі РФ. Гісторык дапусціў, што з-за недахопу кантрактнікаў Расіі можа спатрэбіцца мабілізацыя. На гэтым фоне ён зрабіў выснову, што Масква зацікаўленая завяршыць вайну ўжо да вясны 2027 года.