Украінскія дроны б'юць па заводах, звязаных з вытворчасцю «Іскандэраў»
- 27.10.2026, 18:59
Пад удар трапілі шэсць буйных прадпрыемстваў каўчуковай прамысловасці РФ.
Усяго на тэрыторыі краіны-агрэсара Расіі размешчана каля 10 буйных прадпрыемстваў каўчуковай прамысловасці. Па стане на 25 кастрычніка шэсць з іх ужо падвергліся 11 паспяховым атакам.
Пра гэта ў аўторак, 27 кастрычніка, паведамілі ў украінскай абароннай кампаніі Fire Point.
Там адзначылі, што за апошнія дні дроны FP-1 паразілі адразу тры прадпрыемствы расійскай каўчуковай прамысловасці — Варонежсінтэзкаўчук, Омскі каўчук і Тальяцікаўчук.
Менавіта апошняе з’яўляецца рэкардсменам па колькасці траплянняў. Тальяцікаўчук падвяргаўся атакам як мінімум чатыры разы. Следам ідзе Стерлітамакскі нафтахімічны завод з трыма атакамі, адзначылі ў Fire Point.
Тлумачачы мэту такіх удараў, у кампаніі падкрэслілі, што каўчуковая прамысловасць вырабляе, у прыватнасці, палімеры, якія выкарыстоўваюцца ў цвёрдым ракетным паліве. Адзін з іх — палібутадыен-акрыланітрыл.
«Ён звязвае кампаненты ракетнага паліва ў адзін моцны зарад і адначасова служыць дадатковым гаручым. Замяніць такі кампанент няпроста — для гэтага патрабуюцца новыя рэцэптуры і выпрабаванні. Менавіта на цвёрдым паліве працуюць рухавікі балістычных ракет „Іскандэр-М“», — адзначылі ў Fire Point.
Там таксама падкрэслілі, што атакі на каўчучовую прамысловасць — гэта ўдар па хімічнай базе ракетабудавання РФ.
«Іскандэр-М» — гэта назва і транспартна-пускавой устаноўкі, і балістычнай ракеты малой далёкасці, якую яна запускае. На пускавой устаноўцы дзве ракеты. Заяўленая далёкасць стральбы — да 500 км, але, паводле экспертных ацэнак, можа дасягаць 700 км у выпадку выкарыстання ядзернай або палегчанай звычайнай баягалоўкі. Вага звычайнай баягалоўкі — 480 кг, баявая частка можа быць касетнага тыпу.
Ракета здольная манеўраваць па вышыні і напрамку палёту. Падлётны час на мінімальную далёкасць 50 км — 23 с, на максімальную 500 км — 238 с. Інтэрвал паміж пускамі для пускавой устаноўкі з двума ракетамі — адна хвіліна.
Ракета ляціць па балістычнай траекторыі, таму ўкраінскім сілам СПА складана яе збіць.