Арменія знайшла новы рынак для сваёй садавіны на фоне абмежаванняў Расіі

• 27.10.2026, 22:23

Ерэван пашырае экспарт у Аман.

Арменія пашырае геаграфію паставак сельскагаспадарчай прадукцыі — абрыкосы, чарэшні, персікі, нектарыны і трускаўкі ўжо пачалі паступаць у Аман, заявіў кіраўнік МЗС Рэспублікі Арарат Мірзаян.

Міністр адзначыў, што, хоць гэтыя партыі былі выпрабавальнымі і невялікімі па аб'ёме, яны ўжо паспяхова прадстаўлены ў найбуйнейшых гандлёвых сетках: гіпермаркетах «Lulu» і супермаркетах «Suhol Al Fayha».

«Прыкметна, што армянская садавіна была прадстаўлена і прадавалася ў сегменце высокаякаснай прадукцыі. Думаю, гэта важны факт <...> Мы можам з упэўненасцю сказаць, што ў найбліжэйшы час аб'ёмы экспарту павялічацца. Таксама плануецца экспарт ягад, іншай садавіны, яблыкаў і вінаграду», — падкрэсліў Мірзаян (цытата паводле Radar).

Міністр таксама дадаў, што Аман не з'яўляецца адзіным новым напрамкам — Арменія вядзе актыўную працу па адкрыцці іншых перспектыўных рынкаў для сваіх кампаній.