ЗША накіруюць у Літву дадатковыя войскі

• 27.10.2026, 22:54

Кантынгент размесцяць да сярэдзіны лістапада.

27 кастрычніка ў Літву прыбудуць больш за 200 амерыканскіх вайскоўцаў. Вайскоўцы ЗША ўжо шмат гадоў дыслакуюцца ў гэтай краіне на ратацыйнай аснове.

Прэзідэнт Літвы Гітанас Наўседа паведаміў у эфіры віленскай радыёстанцыі Žinių radijas, што да 120 амерыканскіх вайскоўцаў, якія цяпер знаходзяцца ў краіне, далучацца яшчэ дзве сотні. Увесь запланаваны кантынгент будзе размешчаны ў Літве да сярэдзіны лістапада, перадае «Польскае радыё».

Амерыканскія вайскоўцы знаходзяцца ў Літве на ратацыйнай аснове з перапынкамі з 2014 года. Летам, у сувязі з пераглядам вайсковай прысутнасці ЗША ў Еўропе, у краіне засталося крыху больш за 100 амерыканскіх вайскоўцаў.

У верасні літоўскія ўлады паведамілі, што ў Літву вернуцца два батальёны агульнай колькасцю больш за тысячу вайскоўцаў.