Трамп абвясціў пра хуткую сустрэчу з Зяленскім і Пуціным

• 28.10.2026, 9:24

Прэзідэнт ЗША заявіў пра «значны прагрэс».

Прэзідэнт ЗША Дональд Трамп заявіў, што разлічвае на хуткую сустрэчу з прэзідэнтам Украіны Уладзімерам Зяленскім і расійскім дыктатарам Уладзімірам Пуціным.

Аб гэтым паведамляе РБК-Украіна са спасылкай на трансляцыю ягонай размовы з журналістамі.

Трамп сказаў журналістам раніцай 28 кастрычніка, што ў адносінах паміж Вашынгтонам і Масквой у кантэксце вайны ва Украіне ёсць значны прагрэс.

«І, думаю, у нас ёсць значны прагрэс у адносінах з Расіяй — у кантэксце Расіі і Украіны. Хутка адбудзецца сустрэча, і, на маю думку, дасягнуты значны прагрэс», — заявіў лідар ЗША.

На ўдакладняльнае пытанне прадстаўніка СМІ, пра якую менавіта сустрэчу ідзе гаворка, Трамп сказаў:

«Сустрэча з прэзідэнтам Пуціным і з прэзідэнтам Зяленскім. І, думаю, дасягнуты значны прагрэс», — дадаў ён.

Напярэдадні, 27 кастрычніка, прэзідэнт Фінляндыі Аляксандр Стуб і прэм’ер-міністр Нарвегіі Ёнас Гар Стэрэ правялі тэлефонную размову з Пуціным наконт заканчэння вайны супраць Украіны.

Пасля гэтага яны таксама пагутарылі з Зяленскім. Адной з тэм былі будучыя перамовы з удзелам Украіны, ЗША і Расіі.

Як паведамлялася раней, трохбаковыя перамовы на тэхнічным узроўні плануюць правесці ў Абу-Дабі ў першай палове лістапада.

Пра дамоўленасць аб іх аднаўленні паведамлялі пасля папярэдніх дыпламатычных кантактаў.

У той жа час гэта не азначае, што сустрэча Трампа, Зяленскага і Пуціна ўжо канчаткова ўзгодненая: канкрэтнай даты саміту лідараў у прыведзенай заяве Трамп не назваў.