У Кобрыне чыноўнікі ваююць з Хэлоўінам

• 28.10.2026, 11:26

Свята, паводле меркавання лукашыстаў, «звязана з цёмнымі сіламі».

Напярэдадні Хэлоўіна беларускія чыноўнікі зноў узяліся за барацьбу з гэтым святам. У публічны доступ трапіў ліст Кобрынскага райвыканкама, у якім кіраўнікам устаноў рэкамендуюць у гэтыя дні адмовіцца ад тэматычных мерапрыемстваў, не выстаўляць гарбузоў, не развешваць на дзвярах павуцінне і маскі, а таксама прыбраць з сацыяльных сетак любыя анонсы і рэкламу свята, заўважыў сайт Charter97.org.

Свае патрабаванні ўлады тлумачаць тым, што Хэлоўін нібыта звязаны з «цёмнымі сіламі», прапагандуе агрэсію і асацыяльныя паводзіны, а таксама ідзе ўразрэз з гістарычнымі, культурнымі і духоўнымі традыцыямі беларусаў.