Блогер з дапамогай ШІ ажывіў «сэрца Мінска»

• 28.10.2026, 14:32

Дзе яно знаходзіцца?

Блогер раскалераваў старыя фотаздымкі Нямігі і паказаў, як выглядаў гэты раён да таго, як праз яго праклалі будучую вуліцу Багдановіча і пабудавалі гандлёвы цэнтр, які цяпер амаль ніхто не наведвае. Здымкі ён апублікаваў у сацсетцы Threads.

«Мінск, сярэдзіна 60-х, — напісаў ён. — Апошнія гады жыцця старой Нямігі. Менш чым праз 5 гадоў пачнецца найпадступнейшае архітэктурнае злачынства ў гісторыі нашай сталіцы».

Многія мінчукі напісалі, што яшчэ памятаюць, як выглядаў цэнтр горада 60 гадоў таму, і шкадуюць, што цяпер ён не такі ўтульны. Сайт Charter97.org прыводзіць некаторыя каментарыі пад пастом:

— Гэтыя фота выглядаюць так утульна. Як Вільнюс або Варшава. Шкада, што ў нас цяпер не так.

— «Дзякуй» камуністам за знішчэнне сэрца Мінска.

— Цяпер там можна было б стварыць выдатную гарманічную атмасферу, асабліва калі б рэканструкцыя прасторы ад Ракаўскага прадмесця да Рэвалюцыйнай пайшла хаця б шляхам Траецкага, а не Зыбіцкай, то-бок з акцэнтам на аўтэнтычнасць, а не камерцыйную эксплуатацыю.

— Варварскія планы па «паляпшэнні» горада чамусьці актыўна закранулі Мінск, але неяк не закранулі сталіц іншых рэспублік, асабліва балтыйскіх.

— Я тады вучыўся ў 6-м класе. Памятаю, як мы з сябрамі хадзілі па ўжо выселеных пад знос дамах, з выламанымі дзвярыма і вокнамі, з рэшткамі мэблі і рознага стар'я.