У ЗША не знайшлося ахвотнікаў купіць расійскі дызель

• 29.10.2026, 19:59

Існуе рызыка, што гэта прывядзе да юрыдычнай і рэпутацыйнай пагрозы.

Адміністрацыя Дональда Трампа шукае пакупнікоў расійскага дызелю, які вось-вось прыбудзе ў ЗША. Аднак пытанне аб законнасці прыняцця грузаў РФ зрабіла гэтае паліва складаным для продажу.

Аб гэтым паведамляе РБК-Украіна са спасылкай на The Washington Sun.

Па меншай меры, тры судны з расійскім палівам адправіліся ў ЗША ў сярэдзіне кастрычніка. Гэта адбылося пасля ўказу прэзідэнта ЗША Дональда Трампа ад 16 кастрычніка аб скасаванні санкцый супраць расійскага дызелю.

Паводле слоў галіновых груп, знаёмых з размовамі, чыноўнікі адміністрацыі Трампа прыватна заахвочваюць амерыканскія кампаніі прымаць дызельнае паліва РФ. Хаця існуе рызыка, што гэта прывядзе да юрыдычнай і рэпутацыйнай пагрозы.

Адной з прычын з'яўляецца тое, што дэмакраты ў Кангрэсе сцвярджаюць: загад Трампа парушае законы аб санкцыях, паведамілі газеце The Washington Sun прадстаўнікі галіны і энергетычныя аналітыкі.

«Масква і Вашынгтон усё яшчэ спрабуюць знайсці пакупнікоў, але мы не здзівімся, калі грузы ў выніку накіруюцца ў Бразілію», — гаворыцца ў запісцы для кліентаў Rapidan Energy Group.

Адзін з аналітыкаў сказаў, што і Масква, і Вашынгтон вельмі настойліва заахвочваюць купляць гэтыя грузы і прапануюць значныя зніжкі.

Чыноўнік Міністэрства фінансаў паведаміў The Sun, што «агульная ліцэнзія Упраўлення па кантролі за замежнымі актывамі адпавядае дзеянням, якія ведамства прадпрымала ў мінулым. Мы выконваем дзеючае заканадаўства і правілы».