Аляксандр Хацкевіч выказаўся пра сітуацыю ў Беларусі

• 3.10.2026, 15:52

Легенда беларускага футболу падзяліўся асабістай гісторыяй.

Легендарны беларускі футбаліст, зорка кіеўскага «Дынама» Аляксандр Хацкевіч расказаў, што пасля 2020 года не можа наведваць краіну і падзяліўся асабістай гісторыяй:

«Хутка будзе два гады, як не стала мамы. Найбліжэйшы чалавек, які ў цябе быў. І ты нават сёння не можаш трапіць да яе магілы. Не ведаю, што горш: вайна ці такая сітуацыя, якая сёння склалася не толькі ў мяне, але і ў многіх беларусаў, што выехалі з краіны пасля 2020 года.

Пра гэта вельмі цяжка гаварыць. Але такое сёння жыццё, рэаліі вельмі жорсткія. Але трэба працягваць жыць і памятаць тое, што ў цябе застаецца. А гэта — памяць», — сказаў Хацкевіч.

Раней у інтэрв’ю сайту Charter97.org Аляксандр Хацкевіч расказаў, у чым сакрэт украінскага супраціву, назваў адрозненні ў менталітэце беларусаў і ўкраінцаў, паставіў дыягназ беларускаму футболу і адказаў зоркам спорту, якія маўчаць пра вайну ва Украіне.