Амаль па ўсёй Беларусі наведванне лясоў абмежавана

• 3.10.2026, 19:32

У пяці раёнах — забаронена.

Наведванне лясоў абмежавана ў 109 з 118 раёнах Беларусі. Пра гэта сведчаць даныя інтэрактыўнай мапы на сайце Міністэрства лясной гаспадаркі.

Абмежаванні, паводле якіх нельга заязджаць у лес на аўтамабілі і распальваць вогнішчы, дзейнічаюць па ўсёй тэрыторыі Брэсцкай, Гродзенскай і Магілёўскай вобласцей, а таксама амаль паўсюдна ў Віцебскай, Мінскай і Гомельскай вобласцях. Пры гэтым пешыя прагулкі, збор грыбоў і ягад дазволены.

Поўнасцю закрытыя для наведвання лясоў на паўднёва-ўсходзе краіны: у Гомельскім, Добрушскім, Ельскім, Кармянскім і Чачэрскім раёнах Гомельскай вобласці.

Свабодна хадзіць у лес можна толькі на паўночным захадзе: у Мядзельскім раёне Мінскай вобласці, а таксама ў Браслаўскім, Верхнядзвінскім і Расонскім раёнах Віцебскай вобласці.