Беларусы правялі памятныя акцыі ў «Ноч расстраляных паэтаў»

• 30.10.2026, 12:23

У Вільні акцыя сабрала сотні людзей.

У чацвер беларусы па ўсім свеце правялі акцыі ў памяць пра знішчаных у часы сталінскіх рэпрэсій пісьменнікаў і дзеячаў культуры.

У Вільні прайшла памятная акцыя «Ноч расстраляных паэтаў», распачатая ў 2017 годзе ў Курапатах. Каля 200 чалавек сабраліся, каб ушанаваць памяць ахвяр сталінскіх рэпрэсій. У скверы каля Музея акупацыі і барацьбы за свабоду гучалі вершы рэпрэсаваных беларускіх паэтаў.

Сярод выступоўцаў былі былыя палітвязні, беларускі тэатар VARTA, адзін з падпісантаў Акта аб аднаўленні незалежнасці Літвы Эмануэліс Зінгерыс, перадае «Радыё Свабода».

У Беластоку траурная акцыя прайшла ля консульства Беларусі.