ЗСУ ператварылі Patriot у пастку для расійскай авіяцыі

• 30.10.2026, 16:46

Ва Украіне амерыканскія комплексы зрабілі «блукаючымі».

ЗСУ ператварылі ЗРК Patriot у небяспечную зброю, таксама навучыліся эканоміць ракеты. Украінскія абаронцы пачалі выкарыстоўваць амерыканскія зенітна-ракетныя комплексы як ключавы элемент засаднай тактыкі для знішчэння знішчальнікаў, верталётаў і іншай авіяцыі арміі РФ.

Аб гэтым у падкасце для «РБК-Украіна» заявіў начальнік упраўлення камунікацый Паветраных сіл ЗСУ Юрый Ігнат

Паводле слоў палкоўніка, у ЗША сістэмы СПА прымяняюцца для абароны аэрадромаў і вайсковых баз, у той час як ва Украіне вырашылі павялічыць маштаб задзейнічання ЗРК Patriot у аперацыях.

«Зрабіць яго, умоўна кажучы, «блукаючым»: зладзіць засаду, збіць пяць самалётаў і вярнуцца непашкоджаным», – патлумачыў Ігнат.

Афіцэр прывёў прыклад ваенных дзеянняў на Блізкім Усходзе, дзе, паводле яго слоў, каб знішчыць адну цэль, выпускаюць па восем ракет. Ігнат упэўнены, што прычына дэфіцыту ракет у ЗСУ палягае ў марнатраўных дзеяннях вайскоўцаў на Блізкім Усходзе.

«Бо таго, што было выдаткавана на Блізкім Усходзе, нам хапіла б яшчэ на некалькі гадоў», – рэзюмаваў начальнік упраўлення камунікацый Узброеных Сіл.