Беларусаў папярэдзілі пра збоі ў працы банкаўскіх картак

• 30.10.2026, 19:45

Варта запасціся наяўнымі.

Уладальнікі картак беларускіх банкаў могуць сутыкнуцца з невялікімі праблемамі пры правядзенні аперацый 2 лістапада. Пра гэта папярэдзілі ў Банкаўскім працэсінгавым цэнтры.

Прычына ў тым, што ў панядзелак цэнтр будзе праводзіць планавыя тэхналагічныя работы на абсталяванні сеткі перадачы даных.

З-за гэтага з 02:00 да 06:30 магчымыя кароткачасовыя перапынкі ў абслугоўванні трымальнікаў банкаўскіх картак, якія карыстаюцца паслугамі цэнтра.

Таксама цяжкасці могуць узнікнуць у сетцы арганізацый гандлю і сэрвісу, пунктаў выдачы наяўных грошай, прылад самабслугоўвання, банкаматаў тых банкаў, якія падлучаныя да ПТК цэнтра.