Узброеныя сілы Украіны нанеслі ракетны ўдар па ключавым аб’екце вайскова-прамысловага комплексу ў Растоўскай вобласці

• 31.10.2026, 12:58

Пашкоджаныя прынамсі чатыры цэхі.

31 кастрычніка 2026 года Сілы абароны Украіны нанеслі ракетна-дронавы ўдар па камбінаце «Каменскі» ў горадзе Каменск-Шахцінскі Растоўскай вобласці. У выніку атакі пашкоджанні атрымалі як мінімум чатыры вытворчыя цэхі.

Пра гэта ў суботу паведамляе OSINT-праект «Абсолютно надійне джерело». Акрамя таго, на тэрыторыі камбіната адбылося ўзгаранне складу гатовай прадукцыі. Агульная шкода прадпрыемству акупантаў, улічваючы вядомыя абставіны, можа быць вельмі значнай.

Камбінат «Каменскі» ўваходзіць у лік прадпрыемстваў расійскага вайскова-прамысловага комплексу і з’яўляецца адным з ключавых аб’ектаў ВПК у Растоўскім рэгіёне. Ён спецыялізуецца на вытворчасці цвёрдага ракетнага паліва і выбуховых рэчываў, неабходных для вырабу рэактыўных сістэм залпавага агню і комплексаў супрацьпаветранай абароны.