Дачка Анатоля Красоўскага: Гараўскі — толькі выканаўца

• 31.10.2026, 19:36

Сілавікі могуць пачаць даваць паказанні.

Валерыя Красоўская — дачка бізнесмена Анатоля Красоўскага, які на працягу 27 гадоў лічыцца без вестак зніклым — як і апанент Лукашэнкі, былы кіраўнік МУС Юрый Захаранка і былы старшыня ЦВК Беларусі Віктар Ганчар. 26 кастрычніка гэтага года суд швейцарскага кантона Санкт-Гален прызнаў экс-байца СОБРа Юрыя Гараўскага вінаватым у гвалтоўным знікненні бізнесмена, у чым раней Гараўскі публічна прызнаўся.

У інтэрв'ю «Нямецкай хвалі» Валерыя Красоўская заявіла, што Гараўскі — толькі заказчык злачынства:

Паводле слоў Валерыі Красоўскай, яна не збіраецца ставіць кропку ў гэтай справе, аднак пакуль не існуе іншых механізмаў, якія дапамаглі б рухацца далей. «Інакш мы б скарысталіся імі раней», — адзначыла яна.

Яна дапускае, што такія механізмы з'явяцца ў будучыні. Акрамя таго, на яе думку, саўдзельнікі Гараўскага напэўна сачылі за працэсам. Убачыўшы, што пакаранне аказалася вельмі мяккім, яны могуць вырашыць таксама падзяліцца інфармацыяй.

«Я не ведаю, што адбудзецца ў бліжэйшы час, але, вядома, я не магу паставіць на гэтым кропку», — заключыла дачка зніклага бізнесмена.